متحدہ عرب امارات میں ایک مکان میں آگ لگنے سے 7 بہن بھائی ہلاک

مہر خبررساں ایجنسی نے عرب ذرائع کے حوالے سے نقل کیا ہے کہ متحدہ عرب امارات میں ایک مکان میں آگ لگنے ، دھواں پھیلنے جانے اور دم گھٹنے سے 7بہن بھائی ہلاک ہوگئے ہیں۔ اطلاعات کے مطابق یہ واقعہ مشرقی ریاست فجیرہ میں پیش آیا ہے۔ پولیس کے ایک بیان کے مطابق بچوں کی ماں جب پیر کی صبح بیدار ہوئی تو اس کو گھر میں آگ لگنے کا پتا چلا تھا۔ اس کی اطلاع پر فوری طور پر آگ بجھانے والا عملہ اور امدادی ٹیمیں جائے وقوعہ پر روانہ کردی گئیں لیکن ان کے وہاں پہنچنے سے پہلے ہی ساتوں بچے ہلاک ہوچکے تھے۔ مرنے والوں میں تین بچے اور چار بچیاں شامل ہیں۔