شمالی کوریا میں سرنگ بیٹھنے سے 200 مزدور ہلاک

مہر خبررساں ایجنسی نے جاپان کے آساہی ٹی وی چينل کے حوالے سے نقل کیا ہے کہ شمالی کوریا میں ایٹمی تجربے کے مقام پر کھودی جانے والی سرنگ بیٹھنے سے 200 مزدور ہلاک ہوگئے اور بڑے پیمانے پر تابکاری کے اخراج کا خطرہ ہے۔ اطلاعات کے مطابق شمالی کوریا میں ایٹمی تجربے کے مقام " پنگیری" میں زیر تعمیر سرنگ کا آدھا حصہ بیٹھ گیا جس کے نتیجے میں اس میں موجود 100 مزدور دب گئے۔ حکام نے دبے ہوئے مزدوروں کو نکالنے کے لیے 100 کارکنوں پر مشتمل امدادی ٹیم روانہ کی تو سرنگ کا باقی ماندہ حصہ بھی بیٹھ گیا اور کوئی بھی شخص زندہ باہر آنے میں کامیاب نہ ہوسکا۔