امریکی ریاست ہوائی میں بلندو بالا رہائشی عمارت میں آگ لگنے سے 3 افراد ہلاک

مہر خبررساں ایجنسی نے سی این این کے حوالے سے نقل کیا ہے کہ امریکی ریاست ہوائی کے شہر ہونولو کی ایک بلندو بالا رہائشی عمارت میں آگ لگ گئی جس کے نتیجے میں 3 افراد ہلاک جبکہ13 زخمی ہوگئے جن میں سے 4 کی حالت سخت تشویشناک ہے۔ زخمیوں میں ایک فائر فائٹر بھی شامل ہے۔ اطلاعات کے مطابق جمعہ کی دوپہر مقامی وقت کے مطابق 2 بج کر 15 منٹ پر 31 منزلہ رہائشی عمارت مارکو پولو کی 26 ویں منزل پر آگ لگ گئی جو دیکھتے ہی دیکھتے 28 ویں منزل تک پھیل گئی۔ آگ کی اطلاع ملتے ہی 20 فائر یونٹس اور 100 فائر فائٹرز جائے حادثہ پر پہنچ گئے اور امدادی سرگرمیاں شروع کردیں اور کئی گھنٹے کی جد و جہد کے بعد آگ پر قابو پالیا ۔
مقامی حکام کے مطابق  آگ لگنے کی وجہ سے 16 افراد زخمی ہوئے جن میں ایک فائر فائٹر بھی شامل ہے۔ زخمیوں میں سے 3 لوگ موقع پر ہی ہلاک ہوگئے ۔