ایران کے وزیر خارجہ آج ماسکو روانہ ہوں گے

مہر خبررساں ایجنسی کی رپورٹ کے مطابق روس میں اسلامی  جمہوریہ ایران کے سفیر مہدی سنائی نے کہا ہے کہ  ایران کے وزیر خارجہ محمد جواد ظریف ایک اعلی وفد کے ہمراہ  آج ماسکو کا دورہ کریں گے۔ ایرانی سفیر کے مطابق ایرانی وزیر خارجہ اس سفر میں روس کے وزير خارجہ سرگئی لاوروف اور دیگر اعلی روسی حکام سے دو طرفہ تعلقات اور شام کے امور پر تبادلہ خیال کریں گے۔ اسلامی جمہوریہ ایران کے وزیر خارجہ محمد جواد ظریف روس کے دارالحکومت ماسکو میں روس، ایران اور شام کے سہ فریقی اجلاس میں بھی شرکت کریں گے۔ یہ اجلاس روس کی دعوت پر منعقد کیا جارہا ہے اس اجلاس میں شام کی تازہ ترین صورتحال کا جائزہ لیا جائے گا۔