کراچی کےسفاری پارک سے بڑی مقدار میں اسلحہ برآمد

مہر خبررساں ایجنسی نے جنگ کے حوالے سے نقل کیا ہے کہ پاکستان کے شہر کراچی کےسفاری پارک میں رینجرزنے چھاپا مارکر پارک کے اسٹور روم میں چھپائی گئی اسلحہ کی بھاری کھیپ برآمد کرلی ہے، اسلحہ میں رائفلز، ایس ایم جی،ایل ایم جیز اور دستی بم بھی شامل ہیں۔ ترجمان رینجرز کے مطابق آپریشن خفیہ اطلاع پر کیا گیا، پارک کےاسٹور سے بڑی تعداد میں جدید اسلحہ برآمدہوا جس میں  رائفلز، ایس ایم جی،ایل ایم جیز شامل ہیں۔
 ترجمان کے مطابق آپریشن کے دوران مختلف اقسام کی گولیاں اورکارتوس بھی برآمدہوئے جبکہ کارروائی میں دستی بم ،بال بم ،بلاک بم اوردیگر اسلحہ بھی ملا ہے۔ رینجرز کے ترجمان کا کہنا ہے کہ برآمد اسلحہ شہر میں بدامنی کےلیے استعمال ہونا تھا۔ ذرائع کے مطابق وہابی دہشت گرد پاکستان میں عدم استحکام پیدا کررہے ہیں۔