شمالی کوریا کا بیلسٹک میزائل کا ایک اور تجربہ

مہر خبررساں ایجنسی نے رائٹرز کے حوالے سے نقل کیا ہے کہ شمالی کوریا نے بیلسٹک میزائل کا ایک اور تجربہ کیا ہے جس پر جاپان کے وزير اعظم نے شدید ردعمل ظاہرکیا ہے۔ میزائل شمالی پیانگ یانگ صوبےکےایک فضائی اڈےسےبحیرہ جاپان کی جانب فائرکیاگیا۔ امریکی حکام نے بھی شمالی کوریا کے میزائل تجربے کی تصدیق کردی ہے۔ ٹرمپ کے عہدہ صدارت سنبھالنے کے بعد شمالی کوریا کا یہ پہلا میزائل تجربہ ہے ، جو ایسے موقع پر کیا گیا ہے جب جاپان کے وزیر اعظم شنزو ایبے امریکہ کے دورے پر ہیں۔ میزائل تجربے پر جاپان نے سخت رد عمل کا اظہار کیا ہے، جاپانی وزیراعظم شنزوایبے کا کہنا ہے کہ شمالی کوریا کا میزائل تجربہ قطعی ناقابل برداشت ہے ۔