رحیم یار خان میں ٹریفک حادثے میں 25 افراد جاں بحق

مہر خبررساں ایجنسی نے جنگ کے حوالے سے نقل کیا ہے کہ پاکستان کے رحیم یار خان میں خان پور روڈپرسہجہ کےقریب ٹریفک حادثے میں25افرادجاں بحق اور50 سےزائدزخمی ہوگئے ہیں۔ حادثہ تیز رفتاری کی وجہ سے پیش آیا۔
پولیس کے مطابق حادثہ خان پور روڈپر اس وقت پیش آیا جب کراچی سے بہاولپور اور فیصل آبادسےصادق آباد جانے والی بسیں آپس میں ٹکراگئیں۔ حادثے کے بعد بسیں بری طرح تباہ ہوگئیں اور بسوں کی باڈی کاٹ کر لاشوں اور زخمیوں کو نکالا گیا۔ زخمیوں کو طبی امداد کے لئے اسپتال منتقل کردیا گیا ہے۔