پاکستان میں ٹریفک حادثے میں 6 افراد ہلاک

مہر خبررساں ایجنسی نے جنگ کے حوالے سے نقل کیا ہے کہ پاکستان کے علاقہ ایبٹ آباد میں حویلیاں کے قریب ٹریلر اور مسافروین سمیت چھ گاڑیاں آپس میں ٹکراگئیں جس کے نتیجے میں 6 افراد ہلاک اور متعدد زخمی ہوگئے ہیں۔  ڈی ایس پی حویلیاں خورشید خان کے مطابق ایبٹ آباد سے راولپنڈی جانے والا ٹریلر مخالف سمت سے آنے والی دو مسافر وین سمیت 6 گاڑیوں سے ٹکرا گیا۔حادثے میں 4 افراد موقع پر ہی ہلاک  ہو گئے جن کی لاشیں تحصیل اسپتال حویلیاں منتقل کردی گئیں جبکہ12 افراد زخمی ہوئے۔
زخمیوں میں سے دو ایبٹ آباد اسپتال منتقلی کے دوران دم توڑ گئے تاہم دیگر زخمیوں کو حویلیاں اور ایبٹ آباد کے اسپتالوں میں منتقل کر دیا گیا ہے۔