کراچی میں 2 گروپوں میں تصادم کے نتیجے میں 1 شخص ہلاک اور 5 زخمی

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہر کراچی میں 2 گروپوں میں تصادم  کے نتیجے میں ایک شخص ہلاک اور 5 افراد زخمی ہوگئے ہیں ،پولیس کی بھاری نفری نے علاقے کا کنٹرول سنبھال کر آپریشن شروع کردیا ہے۔ اطلاعات کے مطابق کراچی کے علاقے لانڈھی 36 بی میں ایک بارپھردو گروپوں میں تصادم ہوا، تصادم کے دوران دونوں گروپوں کے افراد نےایک دوسرے کے خلاف نعرے بازی کی اور بات فائرنگ تک جا پہنچی۔فائرنگ کے نتیجے میں 6 افراد زخمی ہوگئے۔
زخمیوں کو فوری طور پر اسپتال منتقل گیا۔ جہاں ایک زخمی دوران علاج دم توڑ گیا۔ علاقے میں کشیدگی کے بعد پولیس حرکت میں آ گئی ۔
ایس پی لا نڈھی کے مطابق لانڈھی 36 بی اور اطراف کے علاقوں میں پولیس کی بھاری نفری نے علاقے کے داخلی اور خارجی راستے سیل کر کے آپریشن کیا جس میں متعدد مشکوک افراد کو حراست میں لیا گیا ہے،جن سے تفتیش کی جارہی ہے۔