مغربی بنگال میں جنگلی ہاتھیوں نے دو واقعات میں5 افراد کو ہلاک کردیا

مہر خبررساں ایجنسی نے بھارتی ذرائع کے حوالے سے نقل کیا ہے کہ بھارتی صوبہ مغربی بنگال کے ضلع بردوان میں جنگلی ہاتھیوں نے دو واقعات میں 5 افراد کوہلاک کردیا ہے۔ محکمہ جنگلات کے عہدیدار نے بتایا کہ پیر کے روز ایک شخص گھر سے نکلا تو 5 ہاتھیوں سے اسکا سامنا ہوگیا۔ ایک ہاتھی نے اسے فضا میں اچھال دیا اور وہ مر گیا۔ اتوار کے روز اسی ضلع میں ہاتھیوں نے حملہ کر کے 4 افراد کو موت کے گھاٹ اتاردیا ۔