سیاچن میں برفانی تودے میں دبے بھارتی فوجی کو 6 دن بعد زندہ نکال لیا گيا

مہر خبررساں ایجنسی نے بھارتی ذرائع کے حوالے سے نقل کیا ہے کہ سیاچن میں برفانی تودے میں دبے ایک بھارتی فوجی کو 6 روز بعد زندہ نکال لیا گیا۔ریسکیو اہلکاروں نے سیاچن کے گلیشیئر میں 25 فٹ اندر تک دبے فوجی اہلکار کو نکال کر ہسپتال منتقل کردیا ہے۔ فوج کے شمالی کمانڈ کے کمانڈر لیفٹیننٹ جنرل ڈی ایس ہودا کے مطابق لانس نائیک ہنامن تھاپہ کو برف سے زندہ نکال لیا گیا ہے، اس کی حالت ابھی تشویشناک ہے تاہم علاج کیلئے ہنامن تھاپہ کو آر آر ہسپتال منتقل کردیا گیا.انہوں نے کہا کہ ہمیں اس طرح کے مزید واقعات ہونے کی امید رکھنی چاہیے ۔