داعش نے پیرس پر حملوں میں ملوث دہشت کردوں کی ویڈیو جاری کردی

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ عالمی سطح پر دہشت گردی میں ملوث وہابی دہشت گرد تنظیم داعش نے فرانسیسی دارالحکومت پیرس پر دہشت گردانہ حملوں میں ملوث وہابی دہشت گردوں کی ویڈيو جاری کردی ہے وہابی دہشت گردوں کو سعودی عرب کی بھر پور حمایت حاصل ہے۔ ویڈیو میں 13 نومبر کو حملوں کا نشانہ بننے والے مقامات کے نام بھی دیے گئے ۔پیرس کے بتاکلان تھیٹر کے علاوہ ریستورانوں اور فٹبال سٹیڈیم کے قریب ہونے والے دھماکوں اور فائرنگ سے 130 افراد ہلاک ہوئے تھے۔ویڈیو کا تجزیہ کرنے والے ایک ماہر کا کہنا ہے کہ پیرس حملوں میں مبینہ طور پر ملوث چار حملہ آوروں کو ویڈیو میں قیدیوں کے سر قلم کرتے اور ان پر گولیاں چلاتے دیکھا جا سکتا ہے۔مانیٹرنگ گروپ کا کہنا ہے کہ ویڈیو پیرس پر حملے سے قبل شام کے شہر رقہ میں فلمائی گئی ہے۔