مہر خبررساں ایجنسی نےایکسپریس نیوز کےحوالے سے نقل کیا ہے کہ پاکستان کے خفیہ ادارے نے کوئٹہ میں سریاب اورکیچی بیگ میں کارروائی کے دوران دہشت گردی کا بڑا منصوبہ ناکام بناتے ہوئے 4 وہابی دہشت گردوں کو گرفتار کرلیا ہے۔ اطلاعات کے مطابق کوئٹہ میں حساس اداروں کے اہلکاروں نے انٹیلی جنس اداروں کی رپورٹ پرسریاب اور کیچی بیگ میں کارروائی کرتے ہوئے 4 دہشت گردوں کو گرفتار کرکے ان کے قبضے سے بڑی مقدارمیں اسلحہ اور بارودی مواد برآمد کرلیا۔
سکیورٹی ذرائع کے مطابق گرفتار کئے گئے دہشت گرد یوم دفاع پاکستان کے موقع پر تخریب کاری کا منصوبہ بنا رہے تھے، ملزمان کو نامعلوم مقام پر منتقل کرکے ان سے تفتیش شروع کردی گئی ہے۔
آپ کا تبصرہ