مہر خبررساں ایجنسی کے مطابق شہاب نیوز نے خبر دی ہے کہ صہیونی فورسز نے غرب اردن کے مختلف علاقوں میں زمینی اور فضائی حملے جاری رکھے ہوئے ہیں۔
تفصیلات کے مطابق غزہ کے عوام کے ساتھ یکجہتی کے لئے ہونے والے مظاہرے کے دوران الخلیل میں صہیونی فورسز کی فائرنگ سے ایک فلسطینی جوان زخمی ہوگیا۔
دوسری جانب صہیونی غاصبوں کی طرف سے فلسطینی عوام کو مسجد اقصی میں داخل ہونے سے روکنے کے بعد فریقین کے درمیان تصادم ہوا۔ صہیونیوں نے مسجد میں داخل ہوکر بے حرمتی کی۔ نابلس اور جنین کے مختلف مقامات پر فلسطینیوں اور اسرائیلی فورسز کے درمیان جھڑپیں ہورہی ہیں۔ یعبد قصبے میں فلسطینی مجاہدین نے صہیونی فوجیوں پر فائرنگ کردی۔
آپ کا تبصرہ