مہر خبررساں ایجنسی کے مطابق، فلسطینی ذرائع ابلاغ نے کہا ہے کہ اتوار کی علی الصبح غزہ کی شمالی سرحدوں پر صہیونی فورسز اور مقاومتی محاذ کے درمیان شدید جھڑپیں ہورہی ہیں۔ علاقے میں فائرنگ اور گولہ باری کی صدائیں آرہی ہیں۔
تفصیلات کے مطابق غاصب صہیونی فورسز نے غزہ کے شمال پر دوبارہ زمینی حملے کا آغاز کردیا ہے تاہم فلسطینی مجاہدین شدید مزاحمت کررہے ہیں جس کی وجہ سے صہیونی فورسز غزہ میں داخل ہونے میں اب تک ناکام ہیں۔
دراین اثناء صہیونیوں نے غزہ کے مختلف علاقوں پر فضائی اور توپ خانے کے ذریعے گولہ باری کی ہے۔ گذشتہ رات صہیونی فوج نے غزہ کے خلاف زمینی آپریشن کی خبر دی تھی۔
انتہاپسند وزیراعظم نتن یاہو نے گذشتہ رات کی کاروائیوں کو غزہ کے خلاف آپریشن کا دوسرا مرحلہ قرار دیا تھا۔
آپ کا تبصرہ