بھارتی مشن چندریان تھری آج شام چاند پر اترے گا

مہر خبررساں ایجنسی نے بھارتی میڈیا کے حوالے سے نقل کیا ہے کہ اگر یہ لینڈنگ کامیاب ہو جاتی ہے تو امریکہ، روس اور چین کے بعد بھارت چاند پر اترنے والا چوتھا ملک بن جائے گا۔

بھارتی میڈیا کا کہنا ہے کہ چندریان تھری مشن ممکنہ طور پر چاند کے جنوبی حصے پر اُترے گا۔

واضح رہے کہ چندریان تھری مشن 14 جولائی کو ریاست آندھرا پردیش سے روانہ ہوا تھا اور یہ 40 دن کے طویل سفر کے بعد اترنے کی کوشش کررہا ہے۔