مہر خبررساں ایجنسی نے اسرائیل ٹائمز کے حوالے سے خبر دی ہے کہ اسرائیلی پولیس اور امدادی اداروں کے مطابق کریات جات نامی شہر کے نزدیک سڑک پر ٹریفک حادثہ رونما ہوا جس کی وجہ سے گاڑیاں آپس میں ٹکرا گئیں اور کم از کم تین صہیونی ہلاک ہوگئے جبکہ چار دیگر کے زخمی ہونے کی خبر ہے۔
ہسپتال کے ذرائع کے مطابق زخمی ہونے والوں میں سے دو کی حالت نازک ہے۔ ڈاکٹروں نے حادثے میں اب تک تین افراد کے مرنے کی تصدیق کی ہے۔
پولیس اور امدادی ٹیموں کے مطابق واقعہ سڑک پر گاڑیوں کے ٹکرانے کی وجہ سے رونما ہوا جس کے بعد ایک گاڑی میں آگ لگ گئی۔ اسی گاڑی میں موجود لوگ زیادہ متاثر ہوئے۔
واقعے کی وجوہات کے بارے میں ابھی تک معلوم نہیں ہوسکا۔ صہیونی پولیس اور دیگر ادارے واقعے کی تحقیقات کررہے ہیں۔
اس سے پہلے عبرانی ذرائع ابلاغ نے خبر دی تھی کہ ایک فلسطینی جوان نے نابلوس میں اسرائیلی سیکورٹی فورسز پر گاڑی چڑھا دی جس کی وجہ سے ایک سیکورٹی اہلکار زخمی ہوا۔
آپ کا تبصرہ