پاکستان میں 2 کروڑ سے زائد بچے بنیادی تعلیم سے محروم

مہر خبررساں ایجنسی نے جنگ نیوز سے نقل کیا ہے کہ وفاقی وزیر برائے منصوبہ بندی احسن اقبال نے کہا کہ کسی بھی ملک کی اشرافیہ کی ترقی سے قوم ترقی یافتہ نہیں بنتی قوم کا غریب طبقہ جب ترقی کرتا ہے تو ملک اور قوم ترقی کرتی ہے۔ 

احسن اقبال نے کہا کہ پچھلی حکومت کے دور میں پاکستان میں ہر شعبہ تنزلی کا شکار رہا ہے، نہ جانے سابقہ حکومت ساڑھے 3 سال کیا کرتی رہی ہے، ہماری حکومت کے دور میں تعلیم کا شعبہ اتنا تنزلی کا شکار نہیں تھا بلکہ بہترین ترقی کررہا تھا جبکہ پچھلے 4 سالوں میں لاکھوں کی تعداد میں بچے تعلیم نظام میں شامل ہی نہیں ہوسکے۔