پاکستان میں کالعدم ٹی ٹی پی کے دو دہشتگرد گرفتار

مہر خبررساں ایجنسی نے پاکستانی میڈیا سے نقل کیاہےکہ انسداد دہشتگردی ڈپارٹمنٹ (سی ٹی ڈی) نے ڈیرہ غازی خان میں کالعدم ٹی ٹی پی کے دو دہشتگردوں کو گرفتار کرلیا۔ ڈیرہ غازی خان میں خفیہ اطلاع پرکیے گئے آپریشن کے دوران سی ٹی ڈی نے  دو دہشتگردوں کو گرفتار کرلیا۔ دہشتگردوں سے بارودی مواد، خود کش جیکٹ اور اسلحہ بھی برآمد ہوا۔ گرفتار دہشتگردوں کی شناخت غلام حسین اور غلام مصطفی کے نام سے ہوئی ہے۔ دونوں دہشتگردوں نے حساس اضلاع میں تخریب کاری کی منصوبہ بندی کی تھی۔