ایران کے بحری جہازوں کے خلاف کسی بھی اقدام کا دندان شکن جواب دیا جائے گا، امیر حاتمی

اسلامی جمہوریہ ایران کے وزیر دفاع بریگیڈیئر جنرل امیر حاتمی نے صہیونی وزیراعظم بن یامین نیتن یاہو کی حالیہ ہرزہ سرائی پر سخت ردعمل دکھاتے ہوئے کہا کہ سمندر میں ایران کے بحری جہازوں کے خلاف کسی بھی اقدام کا دندان شکن جواب دیا جائے گا۔

مہر خبررساں ایجنسی نے سحر کے حوالے سے نقل کیا ہے کہ اسلامی جمہوریہ ایران کے وزیر دفاع بریگیڈیئر جنرل امیر حاتمی نے صہیونی وزیراعظم بن یامین نیتن یاہو کی حالیہ ہرزہ سرائی پر سخت ردعمل دکھاتے ہوئے کہا کہ سمندر میں ایران کے بحری جہازوں کے خلاف کسی بھی اقدام کا دندان شکن جواب دیا جائے گا۔

بریگیڈیئر جنرل امیر حاتمی کا کہنا تھا کہ ایسی دھمکیاں عالمی برادری کو منظور نہیں اور نہ ایران اس پر خاموش رہے گا بلکہ ایران ایسی صورتحال سے نمٹنے کی بھرپور صلاحیت رکھتا ہے۔ ایران کے وزیر دفاع نے خبردار کیا ہے کہ صہیونی حکام کی دھمکیاں عالمی امن و سلامتی کے خلاف ہیں۔

انہوں نے اس عزم کا اعادہ کیا کہ ایرانی مسلح افواج سمندر میں ملکی تیل بردار جہازوں کو درپیش ممکنہ خطرات سے نمٹنے کے لئے ہمہ وقت تیار ہیں.

واضح رہے کہ صیہونی وزیراعظم نیتن یاہو نے گزشتہ ہفتے ایران کی تیل برآمدات کو تیل اسمگلنگ قرار دیتے ہوئے ایران کے تیل بردار جہازوں کو دھمکی دی تھی کہ صہیونی بحریہ سمندرمیں ایران کی تیل سپلائی کو روک سکتی ہے۔

News Code 1888810

لیبلز

آپ کا تبصرہ

You are replying to: .
  • 3 + 1 =