برازیل میں جیل پر مسلح افراد کا حملہ، 100 سے زائد قیدی فرار

مہر خبررساں ایجنسی نے رائٹرز کے حوالے سے نقل کیا ہے کہ برازیل میں جیل پر 20 مسلح افراد نے حملہ کردیا جس کے نتیجے میں 100 سے زائد قیدی فرار ہوگئےاور ایک پولیس اہلکار ہلاک ہوگیا ہے۔ حکام کا کہنا ہے کہ حملہ آور بھاری ہتھیاروں سے لیس 4 گاڑیوں میں آئےتھے، انہوں نے چوکیوں کو نشانہ بنایا اور دھماکہ خیز مواد سے جیل کا مرکزی دروازہ اڑا دیا۔ حکام نے مزید بتایا کہ فرار ہونے والے 105 قیدیوں میں سے41 کو دوبارہ گرفتار کر لیا گیا ہے۔