ریاست اترپردیش میں گاڑی دریا میں گرنے سے 2 بچوں سمیت 10 افراد ہلاک

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستان کی ریاست  اتر پردیش کے شہر متھرا میں گاڑی دریا میں گرنے سے 2 بچوں سمیت 10 افراد ہلاک ہوگئے ہیں۔ اطلاعات کے مطابق ریاست اترپردیش کے شہرمتھرا میں بھرتپورروڈ کے قریب گاڑی میں سوار10 افراد مندرسے واپس آرہے تھے کہ اچانک گاڑی ڈرائیورسے بے قابو ہو کر کھائی میں جاگری جس کے نتیجے میں 2 بچوں سمیت 10 افراد موقع پر ہی ہلاک ہو گئے۔پولیس کے مطابق لاشوں کو شناخت کے لیے اسپتال منتقل کردیا گیا ہے جبکہ 9 افراد کا تعلق ایک ہی خاندان سے ہے۔