امریکہ کے ہر قسم کے اتحاد کا مقابلہ کرنے کے لئے آمادہ ہیں

مہر خبررساں ایجنسی نے کی رپورٹ کے مطابق اسلامی جمہوریہ ایران کے وزیر دفاع جنرل حسین دہقان نے روس کے دارالحکومت ماسکو میں عالمی سکیورٹی کونسل کے اجلاس کے ضمن میں المنار کے نامہ نگار سے گفتگو کرتے ہوئے کہا ہے کہ  اسلامی جمہوریہ ایران  ہر قسم کے امریکی ،اسرائیلی اور سعودی اتحاد کا مقابلہ کرنے کے لئے تیار ہے۔ جنرل دہقان نے کہا کہ ایران کو امریکہ کے ساتھ تعلقات برقرار کرنے کی کوئی ضرورت نہیں ۔ کیونکہ ایران عالمی سطح پر امریکی پالیسیوں کے خلاف ہے اور انھیں ظالمانہ سمجھتا ہے ۔ جنرل دہقان نے کہا کہ امریکہ دنیا میں ہرجگہ بے جا مداخلت کررہا ہے اور دہشت گردی کے فروغ میں امریکہ کا پہلا نمبر ہے۔