افغانستان کےصوبے خوست میں بم دھماکے میں ایک فوجی ہلاک

مہر خبررساں ایجنسی نے ڈان کے حوالے سے نقل کیا ہے کہ افغانستان کے مشرقی صوبے خوست میں فوجی ایئربیس کے نزدیک خودکش کار بم دھماکے میں ایک فوجی ہلاک جبکہ متعدد زخمی ہوگئے ہیں۔ خوست کے ضلعی پولیس چیف اکبر زدران کے مطابق ایئربیس سے 50 میٹر کی دوری پر ہونے والے دھماکے کی آواز کئی میل دور تک سنی گئی جبکہ اس سے کئی دکانوں، گھروں اور اسکول کو نقصان پہنچا۔ انہوں نے مزید کہا کہ ایئر بیس پر 4 مسلح حملہ آوروں نے بھی فائرنگ کی کوشش کی تاہم ایک گھنٹہ جاری رہنے والے فائرنگ کے تبادلے میں حملہ آوردہشت گردوں کو ہلاک کردیا گیا۔