ری پبلیکن پارٹی کے 30 سابق اراکین کا ڈونلڈ ٹرمپ کو ووٹ نہ دینے کااعلان

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکہ میں ری پبلیکن پارٹی کے 30  سابق اراکین کانگریس نے  امریکی صدارتی امیدوار ڈونلڈ ٹرمپ کو ووٹ نہ دینے کااعلان کردیاہے۔ ری پبلکن پارٹی کے 30 سے زائد سابق اراکین کانگریس نے اپنے دستخطوں کے ساتھ سے ایک کھلا خط لکھا ہے جس میں انہوں نے ڈونلڈ ٹرمپ کو ووٹ نہ دینے کا اعلان کیا ہے، خط میں کہا گیا ہے کہ ڈونلڈٹرمپ نے پارٹی منشور کا مذاق اڑایا ہے لہذا ٹرمپ کسی صورت بھی امریکہ کے صدر بننے کے اہل نہیں ہیں کیونکہ جو شخص معذروں کا احترام نہیں کرتا اور اپنی فوج کے خلاف بیانات دینے سمیت مذہبی منافرت پھیلاتا ہے کسی بھی صورت امریکی صدر بننے کا اہل نہیں ہوسکتا۔