امارات میں شدید دھند کے باعث 70گاڑیاں ٹکراگئیں

مہر خبررساں ایجنسی نے عرب ذرائع کے حوالے سے نقل کیا ہے کہ متحدہ عرب امارات میں شدید دھند کے باعث 70گاڑیاں آپس میں ٹکراگئیں جس کے نتیجے میں 17افراد زخمی ہوگئے ہیں۔اطلاعات کے مطابق ٹریفک کا یہ حادثہ ابوظہبی کو العین سے ملانے والی سپر ہائے وے پر واقع ہوا جہاں پر حد نگاہ شدید دھند کی وجہ سے معدوم ہوکر رہ گئی تھی۔ ٹریفک پولیس کے مطابق حادثے کے سبب کم از کم 70گاڑیاں آپس میں ٹکراگئیں جس کے نتیجے میں 17افراد زخمی ہوئے ہیں۔