نائجیریا میں گیس پلانٹ میں دھماکے سے 100 افراد ہلاک

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ جنوبی مشرقی نائجیریا میں گیس پلانٹ میں دھماکے کے نتیجے میں کم از کم 100 افراد ہلاک اور درجنوں زخمی ہوگئے ہیں۔ اطلاعات کے مطابق نائجیریا کے جنوب مشرقی شہر نیوی میں انڈسٹریل گیس پلانٹ میں زور دار بم دھماکے کے نتیجے میں بھڑکنے والی آگ نے قریبی عمارتوں کو اپنی لپیٹ میں لے لیا جس کے باعث 100 کے قریب  افراد ہلاک اور درجنوں زخمی ہوگئے جب کہ مقامی میڈیا نے 100 سے زائد افراد کی ہلاکت کی تصدیق کی ہے اس سے قبل ذرائع ابلاغ نے 50 افراد کی ہلاکت کی خبر دی تھی۔