افغانستان میں امریکی ڈرون حملہ، 12 دہشت گرد ہلاک

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ افغانستان کے مشرقی صوبے ننگر ہار میں امریکی ڈرون حملے کے نتیجے میں 12 دہشت گرد ہلاک ہوگئے ہیں۔ صوبے ننگر ہار کے گورنر کے ترجمان  نے تصدیق کرتے ہوئے کہا کہ ڈرون حملہ صوبے ننگر ہار کے ضلع خوگیانی میں کیاگیا جس میں 3 افغان سمیت 9 غیر ملکی دہشت گرد مارے گئے ہیں جب کہ مارے جانے والے دہشت گرد کئی مہینوں سے اس علاقے میں اپنی سرگرمیاں جاری رکھے ہوئے تھے۔