امریکہ کا 7 یورپی ممالک میں بھاری اسلحہ منتقل کرنے کا اعلان

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکہ نے مشرقی یورپ کے 7 ممالک میں بھاری اسلحہ منتقل کرنے کا اعلان کیا ہے۔ یورپی ملک ایسٹونیا کے دارالحکومت ٹیلن میں صحافیوں سے گفتگو کرتے ہوئے امریکی وزیرِ دفاع ایشٹن کارٹر نے کہا کہ ایسٹونیا، لتھوانیا، لٹویا بلغاریہ، رومانیہ اور جرمنی میں اتنا اسلحہ ذخیرہ کیا جائے گا جو کسی بھی فوج کی ایک بٹالین کی ضروریات کے لیے کافی ہو۔ اس اسلحے میں 250 ٹینک، بکتر بند گاڑیاں اور بھاری توپ خانہ شامل ہے، یہ امریکی اسلحہ اور گاڑیاں تربیت اور فوجی مشقوں میں استعمال کی غرض سے خطے کے دیگرعلاقوں میں بھی منتقل کی جاسکیں گی۔

ایشٹن کارٹرکا مزید کہنا تھا کہ امریکہ خطے میں موجود اپنے اتحادیوں کے دفاع کے لیے اقدامات ضرورکرے گا۔ روس امریکہ کے اس اقدام کو اشتعال انگیز قراردے رہا ہے۔