ارجنٹینا میں آگ لگنے سے 9 افراد ہلاک

مہرخبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ ارجنٹینا کے دارالحکومت بیونس آئرس میں ایک گودام میں لگنے والی آگ سے 9 افراد ہلاک اور 7 زخمی ہوگئے ہیں۔ اطلاعات کے مطابق آگ لگنے سے وہاں رکھی گئیں بینکنگ کی صنعت کی دستاویزات جل کر تباہ ہوگئیں۔آگ پر کئی گھنٹوں بعد قابو پایاجاسکا۔آگ کی وجہ سے  عمارت کی دیوار گرگئی،جس کے ملبے تلے فائر فائٹرز اور شہری دفاع کے اہلکار آگئے اور 9 فائر فائٹر ہلاک اور 7 زخمی ہوگئے جنہیں اسپتال منتقل کر دیا گیا ہے۔