چین میں منی بس کے حادثے میں 10 افراد ہلاک

مہر خبررساں ایجنسی نے شینہوا کے حوالے سے نقل کیا ہے کہ چین میں منی بس گہری کھائی میں گرنے سے 5 بچوں سمیت دس افراد ہلاک ہو گئےہیں ۔ جنوبی چین میں دھند کے باعث منی بس پہاڑی علاقے میں 50 میٹر گہرائی میں جا گری۔ جس میں 5 بچوں سمیت دس افراد ہلاک ہو گئے۔ زخمیوں کو قریبی اسپتال منتقل کر دیا گیا ہے۔ ابتدائی تحقیقات کے مطابق 9 سیٹوں کی گنجائش والی منی بس میں 20 افراد سوار تھے۔