مہر خبررساں ایجنسی کی رپورٹ کے مطابق، چینی وزیر دفاع دونگ جون نے امریکہ کو خبردار کیا ہے کہ تائیوان سے متعلق کسی بھی اشتعال انگیز اقدام پر چین سخت اور فیصلہ کن ردِعمل دے گا۔ انہوں نے اپنے امریکی ہم منصب پِیٹ ہگسٹ کے ساتھ ملاقات میں کہا کہ واشنگٹن کو تائیوان کے معاملے میں محتاط رہنا چاہیے اور تائیوان کی آزادی کی مخالفت کرنی چاہیے۔
چینی وزیر نے کہا کہ بیجنگ پُرامن ترقی کا خواہاں ہے مگر اپنی خودمختاری کے خلاف کسی بھی اقدام کا پُرزور جواب دینے کی صلاحیت رکھتا ہے۔ انہوں نے امریکہ پر زور دیا کہ وہ اپنے اس وعدے پر عمل کرے جس میں اس نے چین کے ساتھ ٹکراؤ نہ کرنے اور اسے محدود نہ کرنے کا عزم ظاہر کیا تھا۔
دونگ جون نے امید ظاہر کی کہ امریکہ اور چین کے درمیان تعاون سے خطے اور دنیا میں امن و استحکام کو تقویت ملے گی۔
ادھر امریکی وزیر جنگ نے چین کے جنوبی سمندر میں بیجنگ کی سرگرمیوں پر تشویش کا اظہار کرتے ہوئے کہا کہ امریکہ خطے میں طاقت کے توازن کو برقرار رکھنے اور اپنے مفادات کے تحفظ کے لیے ہر ممکن قدم اٹھائے گا۔
آپ کا تبصرہ