مہر خبررساں ایجنسی کی رپورٹ کے مطابق، پاکستانی وزیر اعظم شہباز شریف سرکاری دورے پر تہران پہنچ گئے۔
مہر آباد ائیرپورٹ پر ایرانی وزیر داخلہ اور دیگر اعلیٰ عہدیداروں نے استقبال کیا۔
شہباز شریف کچھ دیر بعد صدر ڈاکٹر مسعود پیشکیان سے ملاقات اور دوطرفہ اور علاقائی امور پر تبادلہ خیال کریں گے۔
ایرانی وزارت خارجہ کے ترجمان نے کہا ہے کہ وزیراعظم پاکستان تہران میں قیام کے دوران ایرانی اعلی قیادت سے اہم ملاقاتیں کریں گے جن میں باہمی تعلقات، سرحدی، علاقائی اور عالمی امور پر گفتگو ہوگی۔
بقائی نے مزید کہا کہ پاکستان ہمارا برادر اور اسلامی ہمسایہ ہے۔ دونوں ملکوں کے درمیان نہایت قریبی، دیرینہ اور دوستانہ نوعیت کے تعلقات ہیں۔
انہوں نے واضح کیا کہ ہم پاکستان کے ساتھ مختلف شعبوں میں مسلسل مشاورت کرتے ہیں، جن میں تجارت، معیشت، سرحدی امور اور سرحدی سیکورٹی شامل ہیں۔
وزارت خارجہ کے ترجمان نے مزید بتایا کہ دونوں ممالک او آئی سی کے رکن کی حیثیت سے بھی ایک دوسرے سے مشاورت کرتے ہیں اور فلسطین کے مظلوم عوام سے متعلق دونوں ممالک کے مؤقف بالکل واضح اور ہم آہنگ ہیں۔
آپ کا تبصرہ