مہر خبررساں ایجنسی کی رپورٹ کے مطابق، ایشین فٹبال چمپئین شپ کے گروپ میچز کے دوران ایران نے اپنے آخری گروپ میچ میں متحدہ عرب امارات کو شکست دی۔
تفصیلات کے مطابق قطر میں ہونے والی چمپئین شپ کا یہ دارالحکومت دوحہ کے ایجوکیشن اسٹیڈیم میں کھیلا گیا جس میں ایرانی ٹیم نے بہترین کھیل پیش کرتے ہوئے مضبوط حریف متحدہ عرب امارات کو 1 کے مقابلے میں 2 گول سے شکست دی۔
ایران کی طرف سے پہلا گول اس وقت ہوا جب سردار آزمون کے بہترین پاس پر مہدی طارمی نے عرب امارات کے گول کیپر کو چکمہ دیتے ہوئے گیند کو جال کے اندر پہنچادیا۔
ایران کی برتری کے بعد متحدہ عرب امارات کی ٹیم نے جارحانہ کھیلا تاہم ایرانی گول کیپر علی رضا بیرانوند نے بہترین کھیل پیش کیا۔ بیرانوند کے بہترین کھیل کی وجہ سے عرب امارات نے پنالٹی کے موقع سے استفادہ نہ کرسکی۔
کھیل کے 67 ویں منٹ میں ایران کی طرف سے دوسرا گول بھی سردار آزمون اور مہدی طارمی کی جوڑی نے کیا۔
ایرانی فٹبال ٹیم نے اس سے پہلے گروپ کے ابتدائی میچز میں ہانگ کانگ اور فلسطین کو شکست دی تھی اور دوسرے مرحلے کے لئے کوالیفائی کرلیا تھا تاہم آج کا میچ جیتنے کے بعد گروپ میں بھی پہلے نمبر پر آگئی ہے۔
ایرانی ٹیم نے گروپ میچز میں سے تینوں میں کامیابی حاصل کرکے مجموعی طور پر 9 پوائنٹس حاصل کئے اور کوارٹر فائنل میں جگہ پکی کرلی ہے۔
آپ کا تبصرہ