لیبیا میں سیلاب سے بد ترین تباہی، لاشیں ملنے کا سلسلہ جاری

مہر خبررساں ایجنسی نے المیادین کے حوالے سے نقل کیا ہے کہ سیلاب سے متاثرہ لیبیا کے ساحلی شہر درنا میں امدادی کارروائیاں جاری ہیں۔

رپورٹ میں بتایا گیا ہے کہ اقوامِ متحدہ لیبیا میں 11 ہزار 300 افراد کی ہلاکتوں کی تصدیق کر چکی ہے۔

اقوامِ متحدہ کے مطابق لیبیا میں 10 ہزار سے زائد افراد اب بھی لاپتہ جبکہ 40 ہزار بے گھر ہیں۔

اقوامِ متحدہ  نے ہلاکتوں کی تعداد میں آنے والے دنوں میں مزید اضافے کے خدشے کا بھی اظہار کیا ہے۔

بین الاقوامی میڈیا کی رپورٹ کے مطابق لیبیا کو اقوامِ متحدہ، یورپ اور مشرقِ وسطیٰ کے ممالک کی جانب سے امداد پہنچائی جا رہی ہے۔