کابل میں کار بم دھماکے کے نتیجے میں 7 افراد ہلاک

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ افغانستان کے دارالحکومت کابل میں کار بم دھماکے کے نتیجے میں 7 افراد ہلاک اور 7 زخمی ہو گئے ہیں۔ ترجمان افغان وزارتِ داخلہ نصرت رحیمی کے مطابق دھماکہ صبح سویرے کابل کے علاقے قصبہ میں وزارتِ داخلہ کی عمارت کے قریب ہوا۔دھماکے میں متعدد گاڑیوں کو بھی نقصان پہنچاہے، لاشوں اور زخمیوں کو اسپتال منتقل کیا گیا ہے جہاں زخمیوں کو طبی امداد دی جا رہی ہے۔