طالبان نے ملا عمر کے خفیہ ٹھکانے کی تصاویر جاری کردیں

افغان طالبان نے ملا عمر کے آخری خفیہ ٹھکانے کی تصاویر جاری کر دیں جہاں وہ اپنے انتقال تک تقریباً 7 سال مقیم رہے۔

مہر خبررساں ایجنسی نے ذرائع کے حوالے سے نقل کیا ہے کہ افغان طالبان نے ملا عمر کے آخری خفیہ ٹھکانے کی تصاویر جاری کر دیں جہاں وہ اپنے انتقال تک تقریباً 7 سال مقیم رہے۔

طالبان نے اپنے امیر ملاعمر کے اس چھوٹے سے گھر کی تصاویر جاری کردی ہیں جس میں ملا عمر نے اپنی زندگی کے آخری 7 سال گزارے۔ افغانستان میں حکمرانی کرنے والے ملا عمر کا آخری ٹھکانہ ایک کمرے پر مشتمل ایک بوسیدہ گھر تھا۔ طالبان کے ترجمان ذبیح اللہ مجاہد نے تصاویر جاری کرتے ہوئے کہا ملا عمر 2013 میں اپنے انتقال تک اسی خفیہ ٹھکانے میں مقیم رہے، وہ کچھ عرصے علالت کے بعد انتقال کر گئے تھے۔ تاہم یہ واضح نہیں کہ یہ گھر کس علاقے میں قائم ہے اور نہ ہی طالبان نے اس بات کی وضاحت کی کہ ملا عمر اس گھر میں اکیلے رہتے تھے یا اہل خانہ کے ہمراہ مقیم تھے۔

طالبان کی جانب سے یہ تصاویر اس وقت جاری کی گئی ہیں جب امریکا کے زومیا سینٹر نامی تھنک ٹینک نے ڈچ خاتون صحافی بیٹے ڈیم کی تحقیقات پر مبنی کتاب کے اقتباسات جاری کیے تھے، جس میں انکشاف کیا گیا تھا کہ رہنما ملا عمر ایک عرصے تک افغانستان میں امریکی فوجی اڈے کے انتہائی قریب رہائش پذیر رہے تھے۔

News Code 1888806

لیبلز

آپ کا تبصرہ

You are replying to: .
  • 6 + 1 =