کیوبا میں مسافر بردار طیارہ گر کر تباہ/ 110 افراد ہلاک

مہر خبررساں ایجنسی نے رشیا ٹو ڈے کے حوالے سے نقل کیا ہے کہکیوبا میں ایک مسافر بردار طیارہ گر کر تباہ ہوگیا جس کے نتیجے میں 110  افراد ہلاک ہوگئے ہیں۔ کیوبا کے سرکاری ٹی وی کے مطابق شہر ہوانا کے جوزمارتی ایئرپورٹ سے بوئنگ 737 نے پرواز کی اور کچھ دیر بعد ہی گر کر تباہ ہوگیا ۔ جس کے نتیجے میں طیارے میں سوار 110 افراد ہلاک ہوگئے ہیں ۔ سکیورٹی اداروں نے جائے حادثہ کو چاروں طرف سے گھیرلیا ہے جب کہ امدادی ادارے بھی وہاں پہنچ گئے ہیں۔ عینی شاہدین کے مطابق  انھوں نے ایئرپورٹ کے نزدیک زمین پر  آگ کا ایک بڑا گولا دیکھا جس سے دھواں اٹھ رہا ہے۔