شمالی کوریا کا بیلسٹک میزائل کا تجربہ

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ شمالی کوریا نے دارالحکومت کے شمالی علاقے میں بیلسٹک میزائل کا تجربہ کیا ہے۔ امریکہ پیسیفک کمان کے ایک ترجمان کے مطابق ہفتہ کو شمالی کوریا نے ایک بیلسٹک میزائل کا تجربہ کیا ہے۔ امریکی نیوی کے کمانڈر ڈیو بین ہیم کا کہنا ہے  کہ میزائل شمالی کوریا سے باہر نہیں گیا اور حدود کے اندر ہی گر کر تباہ ہوگیا۔
 ذرائع نے ایک امریکی اہلکار کے حوالے سے نقل کیا ہے کہ امریکی فوج کو میزائل تجربے کے بعد تشخیص کرتے ہوئے میزائل کے بنیادی حصے ملے، جو پک چینگ ہوائی اڈے سے 22میل کی دوری پر تھے۔ادھر جنوبی کوریا کا دعویٰ ہے کہ شمالی کوریا کا میزائل تجربہ ناکام ہوگیا ہے۔