کراچی میں پانچ دہشت گرد ہلاک

مہر خبررساں ایجنسی نے ڈان کے حوالے سے نقل کیا ہے کہ پاکستان کے شہرکراچی کے علاقے اردو بازار میں رینجرز آپریشن کے دوران خاتون سمیت 4دہشتگرد ہلاک ہو گئے ہیں جبکہ کریکر حملے میں رینجرز اہلکاروں سمیت 6 افراد زخمی ہوئے ہیں ۔ آپریشن کے دوران ایک دہشتگردو کو گرفتار کر لیا گیا ۔ اطلاعات کے مطابق اردو بازار میں رینجرز اورپولیس نے ایک عمارت میں دہشتگردوں کی موجودگی کی اطلاع پر چھاپا مار کارروائی کی جس کے دوران اندر چھپے دہشتگردوں نے کریکروں سے حملہ کر دیا ، حملے میں 4رینجرز اہلکاروں سمیت 6افراد زخمی ہو گئے اور جوابی کارروائی میں وہابی دہشت گرد اور کالعدم تنظیم سے تعلق رکھنے والے 5 دہشتگرد ہلاک ہو گئے جن میں ایک خاتون  دہشت گرد بھی شامل تھی ۔
ترجمان رینجرز کا کہنا ہے کہ انٹیلی جنس اطلاع تھی کہ دوسرے صوبے سے آئی ہوئی ایک فیملی کے 5 افراد نے رہائشی عمارت میں فلیٹ کرائے پر لیا تھا جن کا تعلق وہابی دہشت گرد اور کالعدم تنظیم سے ہے تاہم ان کی گرفتار ی کیلئے چھاپہ مارا گیا تو دہشتگردوں نے رینجرز پر حملہ کردیا ۔
ترجمان کا مزید کہنا ہے کہ آپریشن کے دوران دہشتگردوں کے ایک ساتھی کو گرفتار کر لیا گیا ہے جبکہ ایک دہشتگرد ابھی بھی عمارت کے اندر ہی محصور ہے جس کی گرفتاری کیلئے آپریشن جاری ہے ۔