ہالینڈ میں بس میں بم کا نعرہ لگانے والا شخص گرفتار

مہر خبررساں ایجنسی نے غیر ملکی ذرائع کے حوالے سے نقل کیا ہے کہ ہالینڈ میں پولیس نے شیفوی ائرپورٹ پر سکیورٹی الرٹ جاری ہونے کے بعد بم کا نعرہ لگانے والے ایک کنفیوز شخص کو گرفتار کرلیا ہے۔ اطلاعات کے مطابق بس کی تلاشی کے دوران اس شخص نے بس میں بم کا نعرہ لگایا جس کے بعد سکیورٹی فورسز نے اسے گرفتار کر لیا تاہم کسی بڑے خطرے کے شواہد نہ ملے۔ پولیس انٹیلی جنس اطلاعات کے بعد ایک ہفتے سے ائرپورٹ کے قریب گاڑیوں کی تلاشی لے رہی ہے واقعہ کے بعد ہائی وے پر ٹریفک بھی متاثر ہوئی فرانس، بیجلیم اور جرمنی میں دہشت گرد حملوں کے بعد ہالینڈ کو بھی دہشت گردوں کا ہدف خیال کیا جا رہا ہے ۔