اسرائیلی سکیورٹی فورسز کی فائرنگ سے 2 فلسطینی شہید

مہر خبررساں ایجنسی نے فلسطین الیوم کے حوالے سے نقل کیا ہے کہ فلسطین میں اسرائیلی سکیورٹی فورسزکی پرتشدد کارروائیاں جاری ہیں،سکیورٹی فورسز کی فائرنگ سے آج 2 فلسطینی شہید ہوگئے ہیں۔ اطلاعات کے مطابق فائرنگ کا واقعہ مغربی کنارے کے شہر الخلیل میں فوجی چیک پوسٹ کے قریب پیش آیا جہاں اسرائیلی فوج اور فلسطینی شہریوں کے درمیان جھڑپ ہوئی، اس پر اسرائیلی سکیورٹی فورسز نے فائرنگ کر دی ، فائرنگ سے دونوں فلسطینی  شہید ہوگئے ۔ گزشتہ 6ماہ کے دوران فلسطین کے مقبوضہ علاقوں میں جھڑپوں میں تقریباً 200 فلسطینی شہید ہوچکے ہیں ۔