پنجاب میں دہشت گردی کا بڑا منصوبہ ناکام/ 11 وہابی دہشت گرد گرفتار

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے صوبہ پنجاب میں سی آئی اے پولیس نے دہشت گردی کا بڑا منصوبہ ناکام بناتے ہوئے اسلحہ کی بڑی کھیپ پکڑنے اور وہابی دہشت گردوں کے 6 سہولت کاروں سمیت 11 وہابی دہشت گردوں کو گرفتار کرنے کا دعویٰ کیا ہے۔  سی آئی اے پولیس کے مطابق پنجاب میں دہشت گردی کا بڑا منصوبہ ناکام بنا دیا گیا ہے جس میں لاہور کے مختلف علاقوں میں کارروائیوں کے دوران اسلحہ کی بڑی کھیپ پکڑی گئی جب کہ دہشت گردوں کے 6 سہولت کاروں سمیت 11 افراد کو بھی گرفتار کرلیا گیا ہے۔ پولیس کے مطابق اسلحہ کے دو بڑے اسمگلروں کو ٹھوکر نیاز بیگ اور چار اسلحہ اسمگلروں کو کلاشنکوف سمیت لاری اڈے سے گرفتار کیا گیا، اس کے علاوہ دیگر افراد کو بھی حراست میں لے لیا گیا جنہیں تفتیش کے لیے نامعلوم مقام پر منتقل کردیا گیا ہے۔ پولیس کا کہنا تھا کہ قبضے میں لیے گئے اسلحہ میں سیکڑوں پستولیں ،درجنوں رائفلیں اور لاکھوں گولیاں ہیں۔