برطانیہ میں دہشتگردی کا منصوبہ ناکام،4 دہشتگرد گرفتار

مہر خبررساں ایجنسی نے برطانوی ذرائع کے حوالے سے نقل کیا ہے کہ برطانوی دارالحکومت لندن میں دہشتگردی کا منصوبہ ناکام بنا دیا گیا جب کہ پولیس نے دہشتگردی کے شبہے میں 4 مشتبہ افراد کو گرفتار کر لیا ہے۔ تفصیلات کے مطابق لندن پولیس نے خفیہ اطلاعات پر لوٹن میں کریک ڈاﺅن کیا جس کے دوران دہشتگردی کے شبے میں 4افراد کو گرفتار کر لیا گیا ہے ۔پولیس کا کہنا ہے کہ چاروں افراد دہشتگردی کی کارروائیوں کی منصوبہ بندی کر رہے تھے۔ پولیس کے مطابق لوٹن سے گرفتاری کے بعد ان افراد کو لندن بھجوایاگیا اب یہ لندن پولیس سٹیشن میں قید ہیں جہاں مزید تحقیقات کی جائیں گی۔ پولیس کے مطابق گرفتار افراد کی عمریں 30برس کے لگ بھگ ہیں ۔خیال رہے کہ پیرس میں حملوں کے بعد یورپ بھر خصوصاَ لندن میں سکیورٹی ہائی الرٹ ہے۔