چاڈ میں 2خودکش حملوں کے نتیجے میں 27 افراد ہلاک

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ وسطی افریقہ کے ملک چاڈ کے دارالحکومت اینجمینا میں پولیس ہیڈ کوارٹرزاورٹریننگ اکیڈمی پر 2خودکش حملوں کے نتیجے میں 27 افراد ہلاک اور متعدد زخمی ہوگئے ہیں۔ اطلاعات کے مطابق چاڈ میں 2 خود کش حملہ آوروں نے پولیس ہیڈ کوارٹر اور پولیس اکیڈمی کے قریب خود کو دھماکے سے اڑا لیا جس کے نتیجے میں متعدد پولیس اہلکاروں سمیت اطراف میں کھڑے 27 افراد ہلاک اور 100 سے زائد زخمی ہوگئے۔ اسپتال ذرائع کے مطابق زخمی ہونے والے متعدد افراد کی حالت نازک ہے جس کے باعث ہلاکتوں میں اضافے کا خدشہ ہے۔حکام کے مطابق خودکش حملوں میں نائجیریا کی شدت پسند تنظیم بوکوحرام ملوث ہے جس کا ہدف پولیس اہلکارتھے ۔