مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہر کراچی کے علاقہ شیرپاؤ کالونی میں رینجرز اورطالبان دہشتگردوں کے درمیان مقابلے کے نتیجے میں 2 اہلکار ہلاک اور ایک راہ گیر زخمی ہوگیا جبکہ طالبان دہشت گرد فرار ہونے میں کامیاب ہوگئے۔
اطلاعات کے مطابق رینجرز اہلکاروں نے لانڈھی کے علاقے شیرپاؤ کالونی میں طالبان دہشت گردوں کی موجودگی کی اطلاع پر آپریشن کیا اور اس دوران مسلح طالبان دہشت گردوں نے اہلکاروں پر فائرنگ کردی جس کے نتیجے میں 2 اہلکار شدید زخمی ہوگئے جنہیں جناح اسپتال منتقل کیا گیا جہاں دوںوں زخمی زخموں کی تاب نہ لاتے ہوئے دم توڑ گئے۔ جب کہ دوطرفہ فائرنگ کے تبادلے کے دوران گولیاں لگنے سے ایک راہ گیر بھی زخمی ہوا جس کی حالت خطرے سے باہر بتائی جاتی ہے۔
آپ کا تبصرہ