ظریف کی عمان کے وزیر خارجہ سے ملاقات

مہر خبررساں ایجنسی کی رپورٹ کے مطابق اسلامی جمہوریہ ایران کے وزیر خارجہ محمد جواد ظریف  نے الجزائر میں ناوابستہ تحریک کے رکن ممالک کے سترہویں اجلاس کے ضمن میں عمان کے وزیر خارجہ یوسف بن علوی  کے ساتھ ملاقات اور گفتگو کی۔ فریقین نے اس ملاقات میں ایرانی صدر حسن روحانی کے دورہ مسقط کے دوران ہونے والے معاہدوں کی پیشرفت پر بھی تبادلہ خیال کیا ، دونوں وزراء خارجہ نے علاقائي اور عالمی مسائل پر بھی بات چیت کی۔