شام میں 500 یورپی دہشت گرد لڑ رہے ہیں

مہر خبررساں ایجنسی نے بی بی سی کے حوالے سے نقل کیا ہے کہ یورپی یونین کے انسداد دہشت گردی کے سربراہ نے کہا ہے کہ  شام میں  سیکڑوں یورپی شہری دہشت گردوں کے ہمراہ بشار اسد کی حکومت کے خلاف لڑ رہے ہیں۔ یورپی یونین کے انسداد دہشت گردی کے سربراہ کے اندازے کے مطابق شام میں دہشت گردوں کے ہمراہ لڑنے والے یورپی افراد کی تعداد پانچ سو کے قریب ہے۔ انٹیلیجنس ایجنسیوں کو خدشہ ہے کہ ان میں سے کئی افراد القاعدہ میں شامل ہو چکے ہیں اور یورپ واپس لوٹ کر دہشت گردی کی کارروائیوں میں ملوث ہو سکتے ہیں۔ شام میں جن یورپی ممالک کے زیادہ باشندے ہیں ان میں یو کے، آئرلینڈ اور فرانس شامل ہیں۔ واضح رہے کہ شام میں لڑنے والے دہشت گردوں کا تعلق القاعدہ دہشت گرد تنظیم سے ہے جو سلفی وہابی فرقہ سے وابستہ ہے جس کا مرکز سعودی عرب میں ہے۔