شمالی کوریا ، امریکہ کو نشانہ بنانے والے میزائلوں کا تجربہ جاری رکھےگا

مہر خبررساں ایجنسی نے فیکس نیوز کے حوالے سے نقل کیا ہے کہ شمالی کوریا نے اعلان کیا ہے کہ وہ اپنے میزائل سسٹم اور امریکہ کو نشانہ بنانے والے میزائلوں کا تجربہ جاری رکھےگا کیونکہ اسے امریکہ کی جانب سے جارحیت کا خظرہ ہے۔شمالی کوریا کے حکام کا کہنا ہے کہ ملکی دفاع کے لئے میزائل سسٹم کو فروغ دینا لازمی ہے ایک فوجی اہلکار کے مطابق ہم اس بات کو پوشیدہ نہیں رکھتے کہ ہمارے میزائل امریکہ کو نشانہ بنا سکتے ہیں شمالی کوریا کے حکام کے مطابق امریکہ دیوانہ ہے اور اس دیوانے کو قابو میں کرنے کے لئے ملکی دفاعی نظام کو مضبوط بنانا ضروری ہے۔