اسرائیلی رجیم کے مزید بارہ فوجی زخمی، صیہونی میڈیا چیخ پڑا

مہر خبررساں ایجنسی نے الجزیرہ کے حوالے سے بتایا ہے کہ المجاہدین بریگیڈ نے مغربی بیت لاہیا میں صہیونی فوجیوں کی چھاونی اور ایمونیشن ڈپو کو راکٹوں سے نشانہ بنایا۔

دوسری جانب صیہونی حکومت کے ذرائع ابلاغ نے گزشتہ 24 گھنٹوں میں اس حکومت کے 12 فوجیوں کے زخمی ہونے کی خبر دی ہے۔

عبرانی روزنامہ یدیعوت احرونوت نے خبر دی ہے کہ غزہ کی جنگ کو تین ماہ گزر چکے ہیں لیکن صیہونی رجیم کا کوئی بھی ہدف حاصل نہیں ہو سکا ہے۔ 

جب کہ اس جنگ سے اسرائیل کی سکیورٹی، معیشت اور عوامی تحفظ کو ناقابل تلافی نقصان پہنچا ہے اور ایسے مسائل کا سامنا ہے جن کے بارے میں اس نے پہلے کبھی سوچا بھی نہیں تھا۔